Nachtsperrige Gotthardtunnel 2026 - Alli Termin
Dr Gotthardtunnel ghört zu de meischtbefahrene Alpävrbindige vo ganz Europa. Damit er sicher und zuverlässig blibt, sind regelmäßigi Wartigs- und Putzarbeitä unverzichtbar. D offizielle Termin für 2026 stönd jetzt fescht.
Nachtsperrige im Gotthardtunnel: Termin 2026
D Nachtsperrige 2026 folged emä ähnlichä Muster wie id de Vorjohr. Insgesamt wird dr Tunnel a 34 Nächt gschlosse si – verteilt uf März, Juni, Septämber und Afang Oktober. D Wuchenänd sind vo Sperrige usgnoh.
| Datum | Dauer | Uhrzit |
|---|---|---|
| 23. bis 27. März | 4 Nächt | 22:00 bis 05:00 Uhr |
| 8. bis 12. Juni | 4 Nächt | 20:00 bis 05:00 Uhr |
| 15. bis 19. Juni | 4 Nächt | 20:00 bis 05:00 Uhr |
| 22. bis 26. Juni | 4 Nächt | 20:00 bis 05:00 Uhr |
| 7. bis 11. Septämber | 4 Nächt | 22:00 bis 05:00 Uhr |
| 14. bis 18. Septämber | 4 Nächt | 20:00 bis 05:00 Uhr |
| 21. bis 25. Septämber | 4 Nächt | 20:00 bis 05:00 Uhr |
| 28. Septämber bis 2. Oktober | 4 Nächt | 20:00 bis 05:00 Uhr |
| 5. bis 7. Oktober | 2 Nächt | 20:00 bis 05:00 Uhr |
D Sperrige findet bewusst usserhalbvo de Hauptferiäzite wie Oschtere und Pfingschte statt.
Zuesätzlich zu dene Wartigsarbeitä wird dr Tunnel au 2026 einmol pro Wuche für e paar Stunde gschlosse, meischtens vo Mittwuch uf Donschtig zwüsche 23:00 und 01:00 Uhr. Die churze Sperrzite diened Spezialtransport.
Welchi Alternative gits?
Wenn du z Nacht durch d Alpe muesch und dr Gotthard zu isch, hesch du mehri Optione:
1. San-Bernardino-Tunnel (A13)
D Strecke über d A13 vo Chur uf Bellinzona isch di gängigschti Usweichrout. Vor allem Camion-Fahrer kenned die Route guet. Rächne aber mit chli meh Verkehr, wenn dr Gotthard zu isch.
2. Gotthard-Passstroß
Wenn s Wätter mitspilt und d Stroß offe isch, chasch übere Gotthardpass fahre. D Strecke isch landschaftlich wunderschön, bruucht aber dütlich meh Zit. Wichtig: Mit Ahänger oder Wohnwage wirds eng, und im Wintär isch dr Pass sowieso zu. Für d Nachtsperrige im Oktober sötti er aber no als Usweichrout zur Verfüegig stoh.
3. Simplon-Route
Je nochdem, wo du häwottsch, cha au dr Simplonpass en sinnvolli Alternativ si, vor allem, wenn di andere Route überfüllt sind.
Bliib informiert
Bitte plan dini Riese entsprechend und informier dich vor Abfahrt über d aktuälle Verkehrsbedingige. Aktuälli Informatione findsch uf üsärä Siite: